Mga RHUs Nidawat Supply sa Medisina ubos sa ILHZ

Gipanguluhan ni Gob. Gerard Espina ang pagrelease sa mga supply sa medisina ngadto sa mga rural health units nga kasapi sa Biliran Inter-Local Health Zone (ILHZ). 

Natukod gikan pa niadtong 2003 ubos sa pagtabang sa Department of Health ug sa German Technical Cooperation (GTZ), ang ILHZ usa ka asosasyon sa mga LCEs ug government health practitioners nga ang panuyo mao ang hiniusa nga implementasyon sa health programs, kasulbaran sa nga common nga health concerns, pinaagi sa pag hugpong sa health resources.

Tungod sa implementasyon sa Mandanas Law, may mga supply sa medisina nga dili na mahatag gikan sa DOH ngadto sa mga RHU para sa katawhan. Arun masulbad kini, mipalit ug medisina ang ILHZ ubos sa mando sa gobernador isip Chairman of the Board, ug mao kini ang gipang apod-apod sa mga RHU para walay kakulangan sa mga medisina nga gikinahanglan sa katawhan. 

Ang Biliran ILHZ padayon nga nag serbisyo sa katawhan. Sulod sa 19 ka tuig, nakadawat na kini ug mga award isip pinaka aktibo nga ILHZ sa Region 8, ug Top 3 Best Performing ILHZ sa tibuok nasod.