Satellite Offices sa Opisina sa Gobernador Giablihan Para sa Katawhan

Opisina sa Gobernador Gitukod sa Kalungsuran. 

Pinasubay sa iyang motto nga Pag-asa, Pagtulong, Pagmamalasakit, gipadool ni Gob. Gerard Espina sa katawhan ang serbisyo publiko pinaagi sa pagtukod sa mga satellite o ekstensyon nga Opisina sa Gobernador didto sa lungsod sa Almeria, Biliran, Cabucgayan, Caibiran, Culaba, Kawayan ug Maripipi.

Tungod niini, ang mga Biliranon nga naay dinalian nga tuyo o panginahanglanon dili na gikinahanglan nga mo-travel pa sa lungsod sa Naval para maatubang ang gobernador. Able ang pultahan sa pito ka satellite office sa gobernador para pagtubag sa ilang hingyap nga mga tabang, sama sa: serbisyo sa panglawas, agrikultura, livestock, financial assistance para sa edukasyon, burial ug uban pa. 

Sa primerong duha ka bulan pa lamang gikan sa pag abli sa mga satellite office, misaka ang gidaghanon sa natagaan sa serbisyo sa opisina gikan sa 468 ngadto sa 1,046 o 123%. Kini nagpakita sa tumong sa batan-ong gobernador nga makahatag sa paspas nga serbisyo ngadto sa mas daghan nga katawhan.